Nglinting saududan
Ngrakit rasa lan sasmita
Nyumet saududan
Necep kawruh kamanungsan
Aku aweh pitakon
Marang kedhule kukus kang tanpa aturan:
“Kus, akeh ilmu lan maneka kapinteran
akeh pawiyatan lan para winasis
nanging, kena ngapa ngelmu-ngelmu sundhul langit
lan rakyat isih kesrakat?”
Kukus mau mung meneng muluk ing wuwungan,
banjur ilang
Hari Pahlawan, 10 November 2015
*Kapacak ing jagad jawa solopos edisi 26 November 2015